Алматыда жеңіл автокөлік пен жүк көлігі соқтығысты
Сурет: Zakon.kz
Алдын ала мәліметтер бойынша, Toyota Camry Серіков көшесімен батыс бағытта келе жатқан.
Сурет: Zakon.kz
Жеңіл көлік жүргізушісі аяқ асты тоқтап қалған алдағы көлікпен соқтығысудан қашпақ болып, қарсы бетке өтіп кеткен. Ал, мұнда шығыс бағыт бойымен Isuzu жүк көлігі келе жатқан, осылайша олар бетпе-бет соқтығысты.
Сурет: Zakon.kz
Апат салдарынан екі көлік те қатты зақымданды. Жүк көлігінің жүргізушісі жарақат алып, ауруханаға жатқызылды.
Сурет: Zakon.kz
Toyota Camry көлігінің жолаушысы да ауыр жағдайда жансақтау бөліміне түсті. Куәгерлердің айтуынша, Toyota Camry жүргізушісі оқиға орнынан қашып кеткен.
Сурет: Zakon.kz
Оқиға орнында жол полициясының қызметкерлері мен криминалистер жұмыс істеді.
Сурет: Zakon.kz
Toyota Camry автокөлігін тексеру барысында мемлекеттік тіркеу нөмірлерінің жоқтығы анықталды. Жүксалғышта үш нөмірлік белгілер жиынтығы табылды: біреуі транзиттік, болжам бойынша грузин үлгісі және екі қазақстандық нөмірлер жиынтығы. Мамандар жүргізушінің жеке басын анықтау үшін көліктен саусақ іздерін алды.
Қазіргі уақытта оқиғаның мән-жайын және Toyota Camry жүргізушісінің жеке басын анықтау үшін тергеу жүргізілуде. Полиция қызметкерлері ЖКО куәгерлерін тергеуге жәрдемдесу үшін қолда бар ақпаратты беруге шақырады.
