Қазақстандық әйел бұрынғы күйеуінен көрген қорлығын айтып, көмек сұрауда

Қазақстандық әйел желіде бұрынғы күйеуінің екі жыл бойы ізінен қалмай қорқытып, қоқан-лоққы көрсеткен бейнесін жариялады, деп хабарлайды Zakon.kz.

Бейнеде әйелдің отбасы мүшелерінің ер адамнан көрген қорлығы, оның заңсыз әрекеттері мен қорқытуларының фотосуреттері мен бейнелері жинақталған.

Посмотреть эту публикацию в Instagram

Публикация от Фонд #НеМолчиKZ | #МыНеМолчим (@nemolchikz_official)

Анна екі жыл бойы бұрынғы күйеуінен қашып, Көкшетаудан Астанаға көшкенімен, күйеуі мен оның отбасының тарапынан қоққан-лоққы тоқтамаған. Сондай-ақ, ер адам тек өзі емес, оның отбасы мен айналасындағы адамдарды да қорқытып, заңсыз әрекеттер жасаған.

Аннаның айтуынша, экс-күйеуі ізіне түсіп, есіктегі камераларды бұзып, көлігін зақымдаған. Мұнымен қоса, балабақшаға адамдар жіберіп, баласын ұрлауға тырысқан. Әйел бірнеше рет арыз жазғанымен, әлі күнге шара қолданылмаған.

Ақмола облысының полиция департаменті бұл фактіні тексеріп, қылмыстық іс қозғалғанын мәлімдеді.

"Полиция департаменті Астана тұрғыны мен оның отбасы мүшелеріне бұрынғы жұбайының тарапынан қауіп-қатердің түсу фактісі бойынша ҚР ҚК 115-бабы 1-бөлігі бойынша қылмыстық іс қозғалғанын хабарлайды. Қазіргі уақытта бұзушыны ұстау және оны одан әрі талқылау және бұлтартпау шарасын сайлау үшін ішкі істер органдарына жеткізу бойынша іс-шаралар жүргізілуде", – деп түсіндірді ПД.

Сонымен қатар, Көкшетауда тұратын Аннаның анасы да полицияға жүгінді.

"Көкшетау тұрғынының бұрынғы күйеу баласына қатысты бұрын келіп түскен барлық өтініштері тіркелген. Олар бойынша тексерулер жүргізіліп, тиісті шаралар қабылданатын болады", – деп түсіндірді олар ПД-да.

Бұған дейін Пхукетте қазақстандық апатқа ұшырағандығы хабарланған болатын.