Талдықорғанда өртеніп жатқан моншадан 11 адам эвакуацияланды

Бүгін Талдықорғанда қоғамдық моншаның шатыры өртенді. Моншадағыларды эвакуациялауға тура келді, деп хабарлайды Zakon.kz.

ҚР ТЖМ баспасөз қызметінің хабарлауынша, өртенген монша Біржан сал көшесінде орналасқан. Өрттің алдын ала аумағы - 10 шаршы метр.

Департамент қызметкерлерінің жедел әрекеттерінің арқасында 11 адам қауіпсіз жерге эвакуацияланып, қазіргі уақытта өрт оқшауланды.

Зардап шеккендер жоқ.