Өскеменде тұрғын үй шатыры өртеніп, сегіз адам эвакуацияланды

Өскемен қаласындағы Гоголь көшесінде орналасқан үш қабатты тұрғын үйдің шатыры өртенді, деп хабарлайды Zakon.kz.

ҚР ТЖМ баспасөз қызметі оқиға орнына жеткен өрт сөндіру бөлімшелері түтінге толған ғимараттан 8 адамды эвакуациялағанын хабарлайды.

Құтқарушылардың жедел әрекетінің арқасында оттың одан әрі таралуына жол берілмеді.

Өрт 100 шаршы метр аумақта толық сөндірілді.

Өрттің шығу себебі анықталып жатыр. Зардап шеккендер жоқ.