Алматының оңтүстік-шығысында жер сілкінді

Қазақстанның сейсмологиялық бақылау және зерттеу ұлттық ғылыми орталығы 4 мамырда тіркелген жер сілкінісіне қатысты мәліметпен бөлісті, деп хабарлайды Zakon.kz.

Келіп түскен ақпаратқа сәйкес, сейсмикалық станциялар желісі 4 мамырда сағат 11:45-те Астана уақытымен жер сілкінісін тіркеді.

"Жер сілкінісінің координаттары: 41.670 С. Е.82.310 ш. б. Жер сілкінісінің ошағы Алматыдан оңтүстік-шығысқа қарай 477 шақырымда Қытай территориясында орналасқан", делінген хабарламада.

Сейсмологтар жер сілкінісі тербелісіне қатысты ақпарат ұсынбады.

Айта кетсек, 2025 жылдың 4 мамырына қараған түні Индонезияда қатты жер сілкінісі болды. Жер асты дүмпулерінің магнитудасы 6,0 балл болды.