Таразда биік мұнараға шығып, айғайлаған ер адам құтқарылды

17 мамырда кешке Тараз тұрғындары үрейлі оқиға куәсі болды. Ер адам телевизиялық мұнара басына шығып, айқайлаған, деп хабарлайды Zakon.kz.

Оқыс оқиға сағат 21: 40-та қаланың 15 ықшам ауданында болған.

"Ер адам №60 үйдің артындағы мұнараға көтеріліп, секірмек болды. Оқиға орнына төрт құтқарушы мен техника жедел түрде  аттанды", - деді Жамбыл өңірінің ТЖД баспасөз қызметі.

Оқиға орнына шұғыл жеткен құтқарушылар альпинистік жабдықтар мен басқа да құрылғылардың көмегімен ер адамды жерге аман-есен түсіріп, оны 103 қызметі өкілдеріне тапсырды.

Посмотреть эту публикацию в Instagram

Публикация от КрисПи | Жамбыл обл | + 21 (@kris.p.jambyl)

Үрейі ұшып, биіктегі адамның өміріне алаңдаған қала тұрғындары ол аман-есен жерге түсірілгенде ТЖД қызметкерлеріне қол шапалақтап, құрмет көрсетті.

Айта кетсек, Қостанайда полицей мен студент шалт әрекет етіп, өз-өзіне қол салған ер адамды аман алып қалды.