Мыңнан астам әйелді босандырған дәрігер Алматы - Лондон бағытындағы рейсте тағы бір жанның өмірін сақтап қалды

Қазақстандық дәрігер 10 000 метр биіктікте адам өмірін сақтап қалды, деп хабарлайды Zakon.kz.

ҚР Денсаулық сақтау министрлігінің мәліметінше, 2025 жылдың 30 мамырында Алматы-Лондон рейсінің бортында жолаушылардың бірі кенеттен ауырып қалған. Көп ұзамай әйелдің жағдайы тез нашарлай бастаған.

"Бұл бортта Перинатология және балалар кардиохирургиясы орталығының акушер-гинекологы Салтанат Исағалиева ұшып келе жатты. Қиын жағдайларға қарамастан Салтанат Қайратқызы дереу көмек көрсетуге кірісті: пациенттің жағдайын бағалап, қарап-тексеру жүргізді, ұсынымдар беріп, науқас үшін барынша жайлылықты қамтамасыз етті. Жарты сағаттан кейін нәтиже бере бастады – әйелдің жағдайы тұрақталды",- деп мәлімдеді ведомство.

Салтанат Исағалиева – жоғары санатты дәрігер, медицинада 25 жылдан астам, акушерлік бөлімшені басқарады. Оның артында 10 000-нан астам босандыру және операция, жүздеген құтқарылған кішкентай өмір және мыңдаған ризашылық білдірген пациент бар.

Оның еңбегі ҚР Денсаулық сақтау министрлігінің жоғары наградаларымен: "Денсаулық сақтау ісінің үздігі"атағымен, "Мамандығына адалдығы үшін" құрмет медалімен, сондай-ақ "Авиценнаның алтын жұлдызы" төсбелгісімен марапатталды.

Бұған дейін Алматыда өрт сөндіру көлігі апатқа ұшырағаны хабарланған болатын.