Құтқарушылар шұңқырға құлап кеткен түйені шығарды

Қызылорда облысында 2025 жылғы 20 маусымда шұңқырға құлап кеткен түйені ТЖМ қызметкерлері құтқарды, деп хабарлайды Zakon.kz.

Белгілі болғандай, түйе кәріз құдығына түсіп кеткен. Құтқарушылар арқанды пайдаланып, түйені алып шықты. Оқиға Қызылорда облысы Арал қаласындағы жеке меншік үйлердің бірінің аумағында орын алды.

Құтқару операциясының нәтижесінде аман қалған жануардың иесі құтқарушыларға олардың жеделдігі үшін алғысын білдірді.

Сурет: ҚР ТЖМ баспасөз қызметі

Бұған дейін Алматы хайуанаттар бағына қар жауғандығы жайлы жазған болатынбыз.