Әшекейдің әлегі: Қарағандылық әйел сақинасын шеше алмай, көмекке жүгінді

Қарағанды облысында 40 жастағы әйел саусағын қатты қысқан сақинаны өз бетінше шеше алмай, құтқарушылардың көмегіне жүгінген, деп хабарлайды Zakon.kz.

Шақыруға жедел келген ТЖМ құтқарушылары слесарлық құралдарды пайдалана отырып, ісінген саусақтан сақинаны абайлап шешіп берді.

Егер сақина шешілмесе, денсаулыққа қауіп төндірмей, білікті көмекке жүгіну қажет екенін құтқарушылар еске салады.

Бұған дейін Ақтау – Астана рейсінде дәрігер талмасы ұстаған жолаушыны құтқарып қалғанын жазғанбыз.