14:58, Бүгін

Жетісу тұрғынын банктік шот ашуға мәжбүрлеген үш жас жігіт ұсталды

Банковская карта, платеж по карте, оплата по карте, банковские карты, банковская карточка, банковские карточки, кредитная карта, кредитные карты, кредитная карточка, кредитные карточки, платеж по карте, платежи по карте, кредит, кредитование, займ, долг, сурет - Zakon.kz жаңалық 30.01.2026 14:58

Жетісу облысында дроп-схемаларға қатысы бар күдіктілер ұсталды, деп хабарлайды Zakon.kz.

Оқиғаның мән-жайы жайлы бүгін, 2026 жылғы 30 қаңтарда облыстық Полиция департаментінің баспасөз қызметі айтып берді.

"Киберполиция қызметкерлері азаматты банктік шоттар ашуға мәжбүрледі деген күдікпен 19-22 жас аралығындағы үш жас жігітті ұстады. Алдын ала мәлімет бойынша күдіктілер өзара келісіп әрекет еткен және жәбірленушіге психологиялық қысым көрсеткен. Қазіргі уақытта күдіктілер қамауға алынды, тергеу амалдары жалғасып жатыр",- делінген ақпаратта.

Құқық қорғау органдары дроп-схемаларға қатысу және банк деректерін үшінші тұлғаларға беру қылмыстық жауапкершілікке әкеп соғатындығын ескертті. Сонымен қатар, азаматтарды заңсыз қаржылық схемаларға тарту және қысым көрсету әрекеттерінің барлығы заң аясында қатаң түрде тоқтатылады.