Маңғыстауда екі көлік соқтығысып, төрт адам қайтыс болды

14 қаңтарда кешке Ақтау-Жетібай тас жолында екі көлік соқтығысып, қайғылы оқиға орын алды, деп хабарлайды Zakon.kz

Lada.kz аймақтық полиция департаментіне сілтеме жасай отырып, 14 қаңтарда сағат 20:30-да Ақтау-Жетібай тас жолының 46/47 шақырымында жол апаты болғанын хабарлайды. Ақтауға бағыт алған ВАЗ бен Jac автокөліктері соқтығысып, салдарынан төрт адам оқиға орнында көз жұмды.

Аталған факті ҚР ҚК 345-бабының 4-бөлігі, яғни "Автомобильді, троллейбусты, трамвайды не басқа механикалық көлік құралын басқаратын адамның абайсызда екі немесе одан да көп адамның өліміне әкеліп соқтыруы немесе көлік құралдарын пайдалану қағидаларын бұзуы" бойынша Мұнайлы ауданының полиция бөлімінде тіркелді. Сот-медициналық сараптама тағайындалды, тергеу ісі қолға алынды.