Қазақстандағы жаппай тәртіпсіздікке байланысты 546 қылмыстық іс қозғалды

ҚР Бас прокуратурасының қылмыстық қудалау қызметінің бастығы Серік Шалабаев мәлімдеме жасады, деп хабарлайды Zakon.kz

Дәл осы мезетке дейін тергеу топтары 546 қылмыстық істі қозғап, тергеп жатыр, оның ішінде терроризм фактісі бойынша - 44, жаппай тәртіпсіздік бойынша - 34, адам өлтіру фактісі бойынша 15 іс бар.

Тергеу изоляторларына 672 күдікті жеткізілді, олардың 446-сы соттың санкциясымен ұсталды.

Құжаттарды тексергеннен кейін және ұстауға негіз болмағандықтан 100-ден астам адам босатылды.

Қазіргі уақытта прокуратураға құқық қорғау органдарының әрекетіне шағымданған 32 өтініш келіп түсті. Егер ел азаматтары өздерінің құқықтары бұзылған деп есептесе, онда "115" call-орталығына хабарласуды сұраймыз. ҚР Бас прокуратурасының қылмыстық қудалау қызметінің бастығы Серік Шалабаев