Руслан Жанпейісовке қатысты қылмыстық іс қозғалды
![Instagram, сурет - Zakon.kz жаңалық 26.04.2020 20:09](https://kaz.zakon.kz/pbi/WEBP/2023-12-20/file-60c7b8e1-5ff9-4bcb-9174-53e764870a75/800x452.webp)
Өзін "полицияларды аулаушы" деп атайтын Бибарыс Раимбековке (көпшілікке блогер Руслан Жанпейісов ретінде таныс) қатысты қылмыстық іс қозғалды, деп хабарлайды zakon.kz.
Руслан Жанпейісовке қатысты ҚР Қылмыстық кодексінің 328-бабының бірінші бөлігі, яғни атап айтқанда, жалған құжат жасау бабы бойынша қылмыстық іс қозғалды. Алдын ала болжам бойынша, Руслан төтенше жағдай мен карантин кезінде ел ішінде жалған құжатпен емін-еркін жүрген көрінеді делінеді, - деп хабарлады Instagram-да "OCA" автокөлік иелері қоғамдық бірлестігінің жетекшісі Руслан Лазута.
14 сәуірде Шымкентте Жанпейісов әкімшілік құқық бұзушылық жасады деген айыппен 25 тәулікке әкімшілік қамауға алынды. Оған қатысты ҚР ӘК-нің 476-бабы (Төтенше жағдайды бұзу) және 478 (Төтенше жағдайдағы тәртіпті бұзуды тудыратын әрекеттер) бойынша әкімшілік хаттамалар толтырылды.