Тәртіп сақшылары Жамбыл облысы тұрғынынан 22 келіден аса марихуана тәркіледі
![Жедел іздестіру іс-шаралары, сурет - Zakon.kz жаңалық 01.02.2022 22:13](https://kaz.zakon.kz/pbi/WEBP/2023-12-20/file-52c19114-92fb-4c2e-b241-1bcd21eb9a6f/800x451.webp)
Жамбыл облысы ПД Есірткі қылмысына қарсы іс-қимыл басқармасының қызметкерлері жедел іздестіру іс-шаралары барысында жалпы салмағы 21 келі 140 грамм болатын "кептірілген марихуана" есірткі затын қапқа салған ер адамды ұстады, деп хабарлайды Zakon.kz.
40 жастағы жергілікті тұрғын Меркі ауданының аумағындағы "Қарасу-Қорағаты" автожолында атпен кетіп бара жатқан жерінен ұсталды.
Ол кінәсін толық мойындап, УҰИ-ға қамаққа алынды.
Күдіктінің айтуынша, ол есірткі затын 2021 жылдың тамыз айында Меркі ауданының құмды аймағында дайындаған.
Аталған дерекке қатысты Қазақстан Республикасы Қылмыстық кодексінің 296-бабы 4-бөлігі (Аса ірі мөлшерде есірткі заттарын заңсыз сақтау) бойынша сотқа дейінгі тергеу амалдары жүргізілуде, оған сәйкес 3 жылдан 7 жылға дейінгі мерзімде бас бостандығынан айыру түріндегі жаза қарастырылған. Облыстық полиция департаментінің баспасөз хатшысы Гүлсара Мұхтарқұлова
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript