Көкшетаулық ер адам тауып алған банк картасымен сауда жасаған

Қылмыс, сурет - Zakon.kz жаңалық 11.02.2022 21:01

Сурет: pexels

Көкшетау тұрғыны тауып алған банк картасымен дүкендерден заттар сатып алған, деп хабарлайды Zakon.kz

Көкшетау қалалық полиция басқармасының қызметкерлері жергілікті тұрғынның банк картасынан ақша ұрлау фактісін тіркеді.

34 жастағы ер адам полицияға арызданды. Ол өзінің банк картасынан 153 мыңнан астам теңге көлемінде ақша ұрланғанын жеткізді. Жедел-іздестіру шаралары барысында полиция қызметкерлері күдіктінің жеке басын анықтады. Ол 43 жастағы облыс орталығының тұрғыны болып шықты.

Қаскүнем 3-6 ақпан аралығында азық-түлік және киім дүкендерінен заттар сатып алуда көпқабатты үйдің ауласынан тауып алған банк картасымен есеп айырысқанын мойындады. Тергеу бөлімі аталған факті бойынша ҚР ҚК 188-бабының 1-бөлігі (Ұрлық) бойынша сотқа дейінгі тергеуді бастады. Заттай дәлелдемелер алынды. ҚР ІІМ баспасөз қызметі

Оқи отырыңыз