Ақтөбе облысында ауыр жүк көлігі атты адамды қағып, мерт қылды

41 жастағы DAF ауыр жүк көлігінің жүргізушісі Ырғыз ауылы жағынан келе жатып, алдынан шыққан атты адамды қағып кетті, деп хабарлайды Zakon.kz

"Мой город" порталы хабарлағандай, қайғылы оқиға 17 ақпанда сағат 18:30-да Самара-Шымкент жолында Қарабұтақ ауылының маңында орын алды. Атты адамның жолды кесіп өтпек болғаны айтылады.

28 жастағы ер адамның тас жолдың маңында мал бағып жүргені нақтыланады. Жол-көлік оқиғасы салдарынан малшы алған ауыр жарақатынан оқиға орнында көз жұмды, ал жылқы – аман.

Аталған фактіге сәйкес, ҚР ҚК 345-бабы, яғни "Жол ережесін бұзу" бойынша сотқа дейінгі тергеу басталды.