Алматы облысында қанды қылмыстың беті ашылды

Жаркент маңындағы жазық даладан қол-аяғы байлаулы, мойынында жібі және соққы іздері бар ер адамның денесі табылды. 52 жастағы ер адамның бір аптадан астам уақыт хабар-ошарсыз кеткені анықталды. ҚР ҚК-нің 99-бабы, "Адам өлтіру" фактісі бойынша қылмыстық тергеу ісі Панфилов аудандық полициясының өндірісіне алынды. ҚР ІІМ баспасөз қызметі

Ер адамның спирттік ішімдік тұтыну кезінде өлтірілгені айтылады. Полиция дастарқан басында бас қосқан ер адамдар, алдымен сөзге келіп, артынан төбелескенін анықтады. Жәбірленушінің қолдарын мата белбеумен байлап, содан соң мойнына жіп салып, тұншықтырған.

Барлық анықталған адамдардан сұрақ-жауап алынды, олардың әрқайсысының қылмысқа қатысы бар-жоғы тексеріледі. Басты айыпталушы қамауға алынды. Сондай-ақ мұндай жағдайларда талап етілетін міндетті сараптамалар тағайындалды. ҚР ІІМ баспасөз қызметі

Қылмыстық істі тергеу барысы облыстық полиция департаменті өз бақылауына алды. Белгілі болғандай, қайтыс болған ер адам үйленбеген әрі қарт анасымен бірге тұрған.

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023