Нұр-Сұлтанда «самокаттағы» үш жасар баланы көлік қақты

Оқыс оқиға Мыңарал көшесіндегі үй ауласында орын алды. Баланың дене жарақаттарын алғаны белгілі, деп хабарлайды Zakon.kz.

ҚР ІІМ баспасөз қызметінің хабарлауынша, Mitsubishi маркалы көлігінің жүргізушісі маневр жасау кезінде сақтық шараларын елемей, жан-жағына дұрыс көз жүгіртпегендіктен "самокаттағы" баланы қаққан.

Қазіргі уақытта аталған факті бойынша мән-жай анықталып жатыр.

Жыл басынан бері қала аумағында кәмелетке толмағандардың қатысуымен 14 жол-көлік оқиғасы тіркелді, қаза болғандар жоқ.