Қарағандыда дәрігерге қол жұмсаған ер адамға қатысты қылмыстық іс қозғалды

Медицина қызметкері өзіне қол жұмсаған ер адамға кешірім бергісі келмейтінін әрі оның заңға сай тиісті жазасын алғанын қалайтынын жеткізді, деп хабарлайды Zakon.kz.

Аталған факт тіркеуге алынды. Сот-медициналық сараптама жүргізу ұсынымы тағайындалды. Тергеу жүріп жатыр, - деп түсіндірді "Патриотқа" Қарағанды облысы полиция департаментінің баспасөз қызметі.

6 сәуірде Қарағандыда Мақажанов атындағы облыстық травматология және ортопедия орталығында науқас пен дәрігер өзара сөзге келіп, қол жұмсау фактісі орын алды. Аталған ыңғайсыз оқиғаның видеосы әлеуметтік желіде жарияланды.