Алматыдағы қыз алып қашу: полиция жағдайдың мән-жайын анықтады

Полиция қызметкерлері оқиғаның шынайы емес, әлеуметтік эксперимент ретінде түсірілген пранк екенін мәлімдеді.

Бұған дейін жоққа шығарылмаған, Алматының Алатау ауданында болған оқиға – пранк. Осы дерек бойынша тексеру шаралары жүргізіліп, нәтижесінде оның ұйымдастырушылары мен қатысушылары анықталды. Алматы қалалық полиция департаментінің баспасөз қызметі

Полиция олардың іс-әрекетіне құқықтық баға берілетінін атап өтті. Видеода алып қашпақ болған Т есімді 2004 жылғы қыз екені белгілі болды.

«Мен бұл әлеуметтік эксперимент – пранк екенін айтқым келеді. Мен сол видеодағы қызбын. Менде бәрі жақсы, мені ешкім алып қашқан жоқ. Жұртшылықтан кешірім сұраймыз», – деді ол.

Сондай-ақ полицейлер «Шевроле Нексиа» автокөлігінің жүргізушісі – 1988 жылы туған И есімді азаматты анықтады. Ол әкімшілік жауапкершілікке тартылады.

Құқық бұзушылық дерегіне сәйкес оған қатысты ҚР ӘҚбК-нің 290 бабы 2 бөлігі (КҚ мемлекеттік тіркеу нөмірлік белгісінсіз басқару) және ҚР ӘҚбК-нің 601 бабы 1 бөлігі (жол белгілері мен таңбаларының талаптарын сақтамау) бойынша әкімшілік хаттамалар толтырылды.Алматы қалалық полиция департаментінің баспасөз қызметі

Көлік құралы мамандандырылған айыппұл тұрағына қойылды.

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023