Ақтөбеде жаяу жүргіншілер жолағынан өтіп бара жатқан баласы бар әйелді көлік қағып кетті

Бөгенбай батыр көшесінде "Кеңдала" аялдамасының жанында жол апаты орын алды. Екі жаяу жүргінші де қаладағы ауруханалардың біріне жатқызылды, деп хабарлайды Zakon.kz.

Жол апаты 18 мамырда орын алды.

Mitsubishi Galant автокөлігінің 41 жастағы жүргізушісі әл-Фараби көшесі жағынан Бөгенбай батыр көшесі бойымен Сәңкібай батыр даңғылына қарай келе жатқан. № 32 үйге қарама-қарсы жолда ол жол ережесін бұза отырып, арнайы бағдаршамы жоқ жаяу жүргіншілер жолағы алдында тежегішті тежемей, жүрісті жалғастыра берген. Салдарынан жүргізуші 44 жастағы әйел мен оның кәмелетке толмаған қызын қағып кетті. ҚР ІІМ баспасөз қызметі

Медициналық сараптаманың қорытындысына сәйкес, жүргізуші ішімдік тұтынбаған.