Екібастұзда екі автобустың соқтығысуынан зардап шеккен адамдар саны артты

Жол апаты, сурет - Zakon.kz жаңалық 18.07.2022 19:15

Сурет: Instagram/ekibasvteme

Екібастұзда таңертең Мәшһүр Жүсіп пен Бұқар Жырау көшелерінің қиылысында №7 және №33 қалаішілік маршрутты қос автобус соқтығысты. Зардап шеккендердің саны 17-ге дейін артты, деп хабарлайды Zakon.kz.

Бұған дейін зардап шеккендердің саны 15 адам (үш адамды жедел жәрдем ауруханаға жеткізді, 12 адам медициналық көмекке өздері жүгінді) делінген.

Павлодар облысы Денсаулық сақтау басқармасы нақтылап өткендей, түрлі дене жарақаттарымен медициналық көмекке тағы екі адам жүгінді: 1992 жылғы әйел мен 2021 жылғы қыз бала.

Екеуі де амбулаториялық тұрғыда ем алуға жіберілді, деп толықтырды ведомствоның баспасөз қызметі.

Облыстық полиция департаменті жол-көлік оқиғасы кезінде №7 автобуста 16 жолаушы, №33 автобуста 12 жолаушы болғанын хабарлады.

Автобустар Екібастұздың арнайы айып тұрағына қойылды. Аталған факті бойынша тексеру жүргізілуде. Сараптама тағайындалды. Павлодар облысы ПД баспасөз қызметі

Оқи отырыңыз