Ақтауда шетелдіктерден 221 орам синтетикалық есірткі тәркіленді

21 шілдеде Маңғыстау облысы Полиция департаментінің Есірткі қылмысына қарсы іс-қимыл басқармасының қызметкерлерімен жедел-іздестіру іс-шараларын жүргізу барысында Ақтау қаласының аумағында есірткі заттарын салу сәтінде Өзбекстан Республикасының бір топ азаматы ұсталды.

Тінту барысында жалпы салмағы 740 грамм болатын мефедрон есірткі заты салынған 221 түйір орам тәркіленді. Ұсталғандардың бірінің жұмыс орнында тінту кезінде жалпы салмағы 200 грамм мефедрон және салмағы 10 грамм болатын 20 дана "марка" атауындағы есірткі заты табылып, тәркіленді.

Аталған адамдар тобы өткізу мақсатында Ақтау қаласының аумағында орналастыру үшін есірткінің ірі партияларын дайындауды жүзеге асырып, электрондық әмияндарға сатудан ақша қаражатын алды. Маңғыстау облыстық ПД баспасөз қызметі

Аталған дерекке сәйкес, ҚР ҚК-нің 297-бабының 3-бөлігі бойынша сотқа дейінгі тергеу басталды. Күдіктілер уақытша ұстау изоляторына қамалды. Өзге ақпарат тергеу мүддесіне сай жария етілмейді.

Оқи отырыңыз

Оралда студенттер алаяққа алданып қалды

22:42, 27 наурыз 2023

Таразда вокзал аумағынан қару-жарақ жасырылған орын табылды

20:48, 27 наурыз 2023

Журналист Михаил Козачков шартты түрде 3,5 жылға сотталды

19:05, 27 наурыз 2023