Жаңалықтар тізбегі
0

Өткен тәулікте Қарағанды облысында үш жол апаты орын алып, төрт адам қаза тапты

Қайғылы жағдай Сурет: polisia.kz
Өткен тәулікте Қарағанды облысында үш жол-көлік оқиғасы тіркеліп, төрт адам қаза тапты. Оның бірі сағат 01:30 шамасында Ағадыр ауылынан 30 шақырымда “Ақсу – Аюлы – Ағадыр” тас жолында орын алды, деп хабарлайды Zakon.kz.

Облыстық ПД баспасөз қызметінің мәліметінше, 13 тамыз күні түнгі сағат 01:30 шамасында “Ақсу – Аюлы – Ағадыр” тас жолында Ағадыр кентінен 30 шақырым жерде 20 жастағы BMW автокөлігінің жүргізушісі, алдын ала болжам бойынша, Ағадыр кентіне бағыт алып бара жатып, рөлге ие бола алмай аударылған. Жол-көлік оқиғасы салдарынан көліктегі екі жолаушы оқиға орнында қаза тапты.

Сол күні сағат 13:10-да “Қарағанды – Балқаш” тас жолында Жұмабек ауылына 5 шақырым жетпей 42 жастағы Багем көлігінің жүргізушісі жолдың қарсы бағытына шығып, 63 жастағы азаматтың басқаруындағы Lexus көлігімен соқтығысқан. Екі автокөліктің жүргізушілері әртүрлі дене жарақаттарымен ауруханаға жеткізіліп, Lexus автокөлігінің жүргізушісі оқиға орнында қайтыс болды.

Сағат 20:11-де “Ялта – Құлайғыр” тас жолында 64 жастағы Toyоta Previa көлігінің жүргізушісі, алдын ала болжам бойынша, рөлге ие бола алмай, 39 жастағы азамат тізгіндеген Lada Priora-мен соқтығысқан. 49 жастағы Lada Priora-ның жолаушысы алған дене жарақаттары салдарынан оқиға орнында қаза тапты. Сондай-ақ Lada Priora-ның үш жолаушысы, Toyota Previa-ның жүргізушісі мен бес жолаушысы әртүрлі дене жарақаттарымен ауруханаға жеткізілді.

Барлық фактілер бойынша сотқа дейінгі тергеу амалдары басталды. Тиісті сараптамалар тағайындалды.

Қарағанды облысы Полиция департаменті көлік жүргізушілерді осындай қайғылы жағдайларға жол бермеу үшін қарапайым ережелерді сақтап, жылдамдықты асырмауға шақырады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: