Жаңалықтар тізбегі
0

Елордалық полицейлер биіктен секірмек болған әйелді құтқарды

Нұр-Сұлтан қаласы, учаскелік полицей Сурет: polisia.kz
Қыз тұрғын үйдің 24-қабатынан секіруге дайындалған. Оны Нұр-Сұлтан қаласының учаскелік полиция инспекторы Қуаныш Мирзаев құтқарып қалды, деп хабарлайды Zakon.kz.

ҚР ІІМ баспасөз қызметінің мәлімдеуінше, полицияның “102” арнасына Уәлиханов көшесінің бойында 24-қабаттың сыртқы күнқағарында әйел отырғаны туралы хабарлама келген. Оқиға орнына автопатруль жіберілді.

Осы уақытта учаскелік инспектор Қуаныш Мирзаев әкімшілік учаскесінде болған. Оқиғаны естіген бетте ол көрсетілген үйге жүгіріп барып, әйелдің секіруге оқталғанын көреді.

Қуаныш Мирзаев жоғарғы қабатқа көтеріліп, формасын шешіп тастайды. Техникалық қабаттың кішкентай терезесі арқылы сыртқы ернеуіне көтеріледі. Арадағы қашықтық бір метрден астам болған. Білдіртпей әйелдің артынан келіп, қолынан мықтап ұстап тұрған.

Әйел қатты жылап, полицейден босап шығуға тырысқан. Осы уақытта құтқарушылар да келеді. Олар бірге қызды терезе арқылы қауіпсіз жерге алып шықты.

Төменде қызды дәрігерлер күтіп тұрды. Оған психологиялық көмек көрсетілді.

Қазір полицейлер 27 жастағы қала тұрғынын мұндай әрекетке не итермелегенін анықтап жатыр.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: