Нұр-Сұлтанда 5 жасар қызды өлтірген ер адам өмір бойына бас бостандығынан айырылды

Астана соты кәмелетке толмаған қызды өлтіргені үшін ер адамды өмір бойына бас бостандығынан айыру туралы үкім шығарды, деп хабарлайды Zakon.kz.

Сотта К деген азаматтың алкогольді ішімдікке сылқия тойып алып, өзімен бірге тұрып жатқан әйелдің 5 жасар қызына көптеген соққы жасағаны, салдарынан ес-түсін жоғалтқан бала қаза тапқаны нақтыланды.

2022 жылы 22 шілдеде Нұр-Сұлтан қаласының Қылмыстық істер жөніндегі мамандандырылған ауданаралық соты алқабилердің қатысуымен К-ға қатысты жас бала Д-ны өлтіру фактісі бойынша айыптау үкімін шығарды (ҚК 99-бабы 3-бөлігі).

Алқабилер алқасы өмір бойы бас бостандығынан айыру түрінде жаза тағайындау ұсынысына бірауыздан дауыс берді.

Апелляциялық шағымда сотталушы адам өзінің кінәсі жоқтығын айтып, үкімнің күшін жоюды сұрады. Сот алқасының 2022 жылғы 1 қыркүйектегі қаулысына сәйкес, үкім өзгеріссіз қалдырылды, өйткені оның күшін жоюға негіздер табылмады. Нұр-Сұлтан қаласы сотының баспасөз қызметі