Талғар ауданында баланы қағып, мерт қылған жүргізушінің жеке басы анықталды

Алматы облысы, Талғар ауданы, Жаңалық ауылында жаяу жүргіншілер жолағынан өтіп бара жатқан баланы қағып, мерт қылған адамның жеке басы анықталды, деп хабарлайды Zakon.kz.

Талғар әкімдігінің баспасөз қызметі хабарлағандай, жүргізуші - қолында елімізде тұруға ықтиярхаты бар 24 жастағы қырғыз елінің азаматы.

Қайғылы оқиға 19 қыркүйекте сағат 18:45-те Жетіген-Алматы тас жолының бойында Жаңалық ауылында орын алды. Toyota Camry көлігінің жүргізушісі жаяу жүргіншілерге арналған жолақтан өтіп бара жатқан 10 жасар баланы қағып кетті.

Жол-көлік оқиғасы салдарынан бала алған жарақатынан оқиға орнында көз жұмды.