Павлодар облысында Мәдениет үйінің қызметкері жеті тәулікке қамауға алынды

Ер адам ауылға қыдырып келген 12 жастағы жасөспірімді соққыға жыққан. 44 жастағы азамат балалардың арасына түскен. Ол ұлын қорғамақ болып қонақ балаға қол көтергені белгілі болды, деп хабарлайды Zakon.kz.

Жасөспірім жеңіл дене жарақатын алған. Ал мұны көрген ата-анасы тәртіп сақшыларына бірден арыз түсіріпті. Мәдениет үйінің қызметкеріне қатысты әкімшілік іс қозғалып, ол қамауға алынған, деп хабарлайды КТК телеарнасы.

Істі Павлодар облысы Тереңкөл ауданының соты қарады. Баланың денсаулығына жеңіл зиян келген. Сот ұсынылған дәлелдемелерге сәйкес құқық бұзушыны кінәлі деп тапты. Оны жеті тәулікке әкімшілік қамау алу түрінде жаза тағайындады.Павлодар облысы сотының баспасөз хатшысы Агидель Ибраева