Таразда 88 жастағы зейнеткердің коллекциялық шақалары мен музыкалық аспабы ұрланды

Тараз қалалық полиция басқармасына 88 жастағы тұрғын арызданды. Ол өзі жоқ кезде үйінен коллекциялық монеталар, музыкалық аспап және көптеген жыл бойы жинаған 647 мың теңге ақшасы ұрланғанын айтты. Полиция қаскөй ұсталып, сараптама тағайындалғанын жеткізді, деп хабарлайды Zakon.kz.

Қария, әсіресе монеталар мен баянды тауып беруін өтінді, өйткені аспапта ойнау оның бос уақытындағы сүйікті ісі екен.

Осы дерек бойынша ҚР ҚК-нің 188-бабы 3-бөлігімен (Ұрлық) сотқа дейінгі тергеу басталды. Жедел-іздестіру жұмыстарының нәтижесінде қылмысқа қатысы бар 51 жастағы Тараз қаласының тұрғыны анықталып, ұсталды.

Ол қарт кісінің ұлының досы болып шықты. Ер адам өз кінәсін толық мойындады. Барлық заттай дәлелдемелер алынып, сараптама тағайындалды.