"Жалған құжатпен жүрген". Алматыда 12 жыл бойы іздеуде болған алаяқ әйел ұсталды

Маңғыстау облысының полицейлері 12 жыл бойы іздеуде болған алаяқ әйелді ұстау үшін арнайы Алматыға ат басын тіреді, деп хабарлайды Zakon.kz.

Батыс Қазақстан облысының тумасы - 54 жастағы әйел ҚР ҚК-нің 190-бабының 3-бөлігінде (Алаяқтық) көзделген қылмысты жасағаны үшін 12 жыл бойы іздеуде болды, деп хабарлайды polisia.kz telegram арнасы.

Ол осы уақытқа дейін Алматы қаласының аумағында жалған құжаттармен өмір сүрген.

Маңғыстау облысы Полиция департаментінің Криминалдық полиция басқармасының қызметкерлері Алматы қаласында күдікті әйелді ұстады. Тәртіп сақшылары оны Алматы қаласының ПД уақытша ұстау изоляторына қамауға алды.