ҚР ІІМ аппаратының басшысы жаңадан тағайындалды

ҚР Ішкі істер министрлігі аппаратының басшысы лауазымына полиция генерал-майоры Бекеев Оңал Ботайұлы тағайындалды, деп хабарлайды Zakon.kz.

Полиция генерал-майоры Бекеев Оңал Ботайұлы 1975 жылы 21 қантарда Алматы облысында дүниеге келген.

Білімі мен білігі:

• 1997 жылы Қазақ мемлекеттік аграрлық университетін,

• 2002 жылы Қазақ гуманитарлық заң университетін,

• 2014 жылы Қазақ экономика, қаржы және халықаралық сауда университетін тәмамдаған.

Еңбек өтілі:

• Бекиев ішкі істер органдарындағы қызметін 1998 жылы ҚР ІІМ қарасты  МКҚД үкіметтік мекемелерді және дипломатиялық өкілдіктерді күзету жөніндегі милиция Полкінің инспекторы лауазымынан бастаған.

• 1999 – 2015 жылдар аралығында ішкі істер органдарында әртүрлі орта және аға басшылық құрам лауазымдарында қызмет атқарған.

• 2015 жылғы желтоқсан – Астана қаласы Мамандырылған күзет қызметі басқармасының бастығы.

• 2018 жылғы маусым – Алматы облысының ІІД бастығының орынбасары.

• 2018 жылғы тамыз – ҚР ІІМ Кадр жұмысы (саясаты) департаменті бастығының орынбасары.

• 2019 жылғы ақпан – Көліктегі полиция департаменті бастығының орынбасары.

• 2019 жылғы қазаннан бастап қазіргі уақытқа дейін – Көліктегі полиция департаментінің бастығы.