ҚР Оқу-ағарту министрлігі аппаратының басшысы жаңадан тағайындалды

Дулат Жекебаев ҚР Оқу-ағарту министрлігі аппаратының басшысы болып тағайындалды, деп хабарлайды Zakon.kz.

Кадрлық тағайындау туралы мәліметпен ҚР Премьер-министрінің баспасөз қызметі бөлісті. 

Дулат Жекебаев 1976 жылы Қарағанды облысында туған.

Академик Е.Бөкетов атындағы Қарағанды мемлекеттік университетін бітірген.

Еңбек жолын ауыл мектебінің география және тарих пәнінің мұғалімі болып бастаған.

2001-2005 жылдары Қарағанды облысы Осакаров ауданының білім бөлімінің меңгерушісі болып істеді.

2005-2017 жылдары – Қарағанды облысы Осакаров ауданы әкімінің орынбасары, білім департаменті директорының орынбасары, Қарағанды қаласының білім бөлімінің басшысы.

2017-2019 жылдары Астана қаласы Білім басқармасы басшысының орынбасары қызметін атқарды.

2019 жылдан бастап қазіргі уақытқа дейін Балалардың құқықтарын қорғау комитетінің төрағасының орынбасары болды.