ҚР Оқу-ағарту министрлігі аппаратының басшысы Дулат Жекебаев қызметінен босатылды

Кадрлық өзгеріс, сурет - Zakon.kz жаңалық 19.06.2023 19:15

Сурет: primeminister.kz

ҚР Оқу-ағарту министрінің бұйрығымен Дулат Жекебаев басқа қызметке ауысуына байланысты ҚР Оқу-ағарту министрлігі аппаратының басшысы лауазымынан босатылды, деп хабарлайды Zakon.kz.

Бұл туралы ҚР Премьер-министрінің баспасөз қызметі хабарлайды.

Дулат Жекебаев 1976 жылы Қарағанды облысында туған.

Академик Е. Бөкетов атындағы Қарағанды мемлекеттік университетін бітірген.

Еңбек жолын ауыл мектебінің география және тарих пәнінің мұғалімі болып бастаған.

2001-2005 жылдары Қарағанды облысы Осакаров ауданының білім бөлімінің меңгерушісі болып істеді.

2005-2017 жылдары – Қарағанды облысы Осакаров ауданы әкімінің орынбасары, білім департаменті директорының орынбасары, Қарағанды қаласының білім бөлімінің басшысы.

2017-2019 жылдары Астана қаласы Білім басқармасы басшысының орынбасары қызметін атқарды.

2019 жылдан бастап қазіргі уақытқа дейін Балалардың құқықтарын қорғау комитетінің төрағасының орынбасары болды.

2022 жылдың қараша айынан бастап қазіргі уақытқа дейін ҚР Оқу-ағарту министрлігі аппаратының басшысы болып келді.

Оқи отырыңыз