Алматыда жолды кесіп өтпек болған қызды автобус қағып кетті

Сурет: Zakon.kz

Алматыда автобус қызды қағып кетті. Ол алған жарақаттарынан реанимацияда қайтыс болды, деп хабарлайды Zakon.kz.

Қайғылы оқиға 2022 жылғы 14 желтоқсанда сағат 20:20-да болған.

"Түрксіб ауданында жүргізуші - 1972 жылғы У.есімді азамат, "FOTON" маркалы қоғамдық көлікті Құлжа тас жолы бойымен жүргізіп келе жатқан. Оңға қарай бұрылыс жасамақ болғанда жолдың жүру бөлігі белгіленбеген бағытта кесіп өткен жаяу жүргінші - 1998 жылғы С.есімді азаматшаны қағып кетті".

Алматы полиция департаменті баспасөз қызметінің хабарлауынша, түрлі жарақат алған жаяу жүргінші ауруханаға жатқызылған, бірақ реанимацияда қайтыс болған.

"Бұл факт ҚР ҚК 345-бабының 3-бөлігінің сотқа дейінгі тергеп-тексерудің бірыңғай тізілімінде тіркелген. Тиісті сараптамалар тағайындалды. Қылмыстық іс бойынша өзге де ақпарат ҚР ҚІЖК-нің 201-бабының талаптарына сәйкес, жария етілмейді".Алматы полиция департаментінің баспасөз қызметі

Оқи отырыңыз