Елордада түрмеге насыбай ішіне сим карта жасырып кіргізбек болған тұрғын ұсталды
![ҚАЖД, түрме, сим карта, насыбай, жазасын өтеуші, сурет - Zakon.kz жаңалық 21.12.2022 20:25](https://kaz.zakon.kz/pbi/WEBP/2023-12-20/file-565d9073-20cd-4916-a218-5a7b72c9b1e0/800x793.webp)
Елорда тұрғыны тыйым салынған 2 пакет насыбай ішіне ұялы телефон сим карталарын салып кіргізбек болды. №2 мекеменің қызметкерлері жазасын өтеушіге қолдануға тыйым салынған заттарды мекеме аумағына кіргізуге жол бермеді, деп хабарлайды Zakon.kz.
Жазасын өтеушіге келген сәлемдемені мұқият тексеру барысында, 2 пакет насыбай, оған қоса, оның ішінде тағы да тыйым салынған сим карталар табылды.
"Осы дерек бойынша Аршалы ауданы полиция бөлімінің жедел тексеру тобы шақырылып, насыбай салынған пакеттер және оның ішіндегі 2 сим карта анықталып, Елорда тұрғынына қатысты ҚР ӘҚК-нің 481-бабы бойынша процессуалды шешім қабылдау жөнінде материалдар дайындалды. Енді Елорда тұрғынына 10 АЕК мөлшерінде айыппұл немесе ескерту берілуі мүмкін", – деді Астана қаласы бойынша ҚАЖД баспасөз қызметі.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript