Павлодарда жасөспірім терезеден құлады: полиция тергеуді бастады

2022 жылғы 22 желтоқсанда сағат 17:08 шамасында Павлодар полициясына "қыз биіктен құлады" деген хабар түскен, деп хабарлайды Zakon.kz.

Оқиға орнына келген тергеу-жедел тобы 2007 жылы туған кәмелетке толмағанның Назарбаев даңғылы 204 мекенжайындағы үйдің 8-қабатынан құлағанын анықтады.

Жарақат алған кәмелетке толмаған ауруханаға жатқызылды.

"Осы факті бойынша Қазақстан Республикасы ҚК 105-бабының 3-бөлімі бойынша сотқа дейінгі тергеу басталды. Оқиғаның мән-жайы мен себептері тергеу барысында анықталады", - деп хабарлады Павлодар облысы полиция департаментінің баспасөз қызметі.