Атырау облысында жастар ұйымдастырған футболдың соңы кісі өлімімен аяқталды
Сурет: pixabay
Атырау облысында ауыл тұрғындары арасында өткізілген футболдың соңы кісі өлімімен аяқталды, деп хабарлайды Zakon.kz.
БАҚ-тарда келтірілген дерекке сүйенсек, қайғылы оқиға 4 қаңтарға қараған түні Қызылқоға ауданы Сағыз ауылында орын алған. Ауыл жастары жергілікті спорт кешенінде футбол ойнау үшін жиналады. Ойын барысындағы ерегес, сырттағы төбелеске ұласып, ақырында бір адам ауруханаға түсіп, тағы бір адам қаза тапқан.
Жақында ғана әскерден оралған 22 жастағы жігіт пышақ жарақаттарынан көз жұмғаны нақтыланады.
Бұл фактіні өңірдің полиция департаменті растады.
"Аталған фактіге сәйкес тергеу амалдары қолға алынды. Күдікті ұсталып, тергеу изоляторына қамалды", - дейді ведомство өз жауабында.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
