Бір тәулікте 158 жол апаты: Алматы полициясы жолаушыларға үндеу жасады
Сурет: Zakon.kz
Ауа райының нашарлауына байланысты Алматы Полиция департаменті жол қозғалысына қатысушыларға үндеу жасады, деп хабарлайды Zakon.kz.
Алматы ПД Жергілікті полиция қызметі басқармасы кезекші бөлімінің мәліметінше, өткен тәулікте қалада 158 жол-көлік апаты тіркелді, оның 25-інде адамдар жарақат алған. Қайтыс болғандар жоқ.
Ауа райының нашарлауына байланысты Алматының тәртіп сақшылары жолда қауіпсіздік шарасын күшейтуге шақырды.
"Тұрғындарды жол қозғалысы ережелерін мүлтіксіз сақтауға, көлік жүргізу мәдениетін және мұқияттылықты арттыруға шақырамыз. Бұл үндеу қазір өте өзекті және қала жолдарында қайғылы оқиғаларды болдырмауға септігін тигізеді", - деді, Алматы Полиция департаменті Жергілікті полиция қызметі басқармасының бастығы, полиция полковнигі Ержан Ұзабаев.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
