"Қасқыр қапқан": Хайуанаттар бағындағы оқыс оқиғаға қатысты полиция түсінік берді

Полиция департаменті бұл оқиғада қандай да бір құқық бұзушылыққа жол берілмеген деп санайды, деп хабарлайды Zakon.kz.

YK-news.kz мәліметінше, сол жағалаудағы ПБ-ға жәбірленушінің анасынан арыз келіп түскен. Ол хайуанаттар бағының қызметкерлеріне шағымы барын айтады. 

"Бұл жағдайда қандай да бір әкімшілік немесе қылмыстық құқық бұзушылықтың құрамы көрінбейді. Осыған байланысты арызданушыға сотқа жекелей жүгінуге кеңес берілді", – дейді полиция.

Хайуанаттар бағындағылар мұнда келушілерден талап етілетін белгілі бір ережелер барын еске салады. Мәселен, жыртқыштың торына жақындамау туралы ескерту белгілері бақта ілулі тұр.

11 наурызда сол жағалаудағы хайуанаттар бағында 10 жасар қызын ата-анасы қасқыр қауып алғанына шағымданды. Қыздың әкесінің айтуынша, бала жартқыш орналасқан торға саусағын тыққан, сол кезде қасқыр оны тістеген.