Алматыда Toyota көлігі көпірден құлады - бес адам зардап шекті

Алматы қаласына қарасты Алатау ауданында Toyota көлігі аударылып, бес адам зардап шекті, деп хабарлайды Zakon.kz.

Полицияның мәліметінше, жол апаты Рысқұлов даңғылы бойында болған. Екі көлік те жолдың батыс бағытында қатар жүріп келе жатқан.

"Volkswagen көлігінің жүргізушісі маневр жасау кезінде Toyota көлігімен соқтығысқан. Ол өз кезегінде көпірдің тірегіне соғылып, жолдан шығып, көпірден ұшып кеткен. Toyota көлігінде жүргізуші мен бес жолаушы болғандығы анықталды. Олар медициналық тексеруден өту үшін қалалық ауруханаларға жеткізілді". Алматы қалалық ПД баспасөз қызметі

Оқиғаның мән-жайы тергеу барысында анықталатын болады.