Тоқаев: Инфляцияны төмендетпей, экономикалық өсімге қол жеткізу мүмкін емес

Әлеуметтік желі, сурет - Zakon.kz жаңалық 12.01.2022 23:13

Сурет: Ақорда

Мемлекет басшысы Қасым-Жомарт Тоқаев Үкімет ұлттық валютаның тұрақты бағамын қамтамасыз етуге басымдық беруге тиіс екенін нығарлап атап өтті, деп хабарлайды Zakon.kz

Президент Twitter-дегі парақшасында теңгені бекемдемей және инфляцияны төмендетпей, орнықты экономикалық өсімге қол жеткізу, азаматтардың әл-ауқатын арттыру, инвесторлардың сеніміне ие болу мүмкін емес екенін жазды.

Мемлекеттің басты міндеті – отандастарымыздың игілігі мен тұрмыс сапасын қамтамасыз ету. Әділ бәсекені дамыту, шағын және орта бизнесті қолдау, мемлекеттік қолдау шараларының ашықтығы – жаңа экономикалық бағыттың негізгі қағидалары.
— Qasym-Jomart Toqayev (@TokayevKZ) January 12, 2022

Сондай-ақ Мемлекет басшысы өңірлер арасындағы даму алшақтығын еңсеруге баса мән беру керектігін атап өтті. Жұмыспен қамту мәселесін шешіп, еліміздің барлық облысының әлеуметтік және мәдени дамуына жағдай жасау керек. Аймақтарда шетелдік жетекші жоғары оқу орындарының филиалдары ашылады.

Жалпыхалықтық «Қазақстан Халқына» қоры азаматтардың нақты проблемаларын шешуге қызмет етеді. Қор сирек кездесетін ауруға шалдыққан балаларды емдеуге көмектесіп, әлеуметтік және мәдени нысандардың құрылысын қаржыландырады. Алматыны қалпына келтіруге қаржы бөлінеді.
— Qasym-Jomart Toqayev (@TokayevKZ) January 12, 2022