Мемлекет басшысы 26 мамырда Қырғыз Республикасына ресми сапармен барады

Қасым-Жомарт Тоқаев Қырғызстанға Президент Садыр Жапаровтың шақыруымен барады, деп хабарлайды Zakon.kz.

Бұл туралы президенттің Telegram-дағы ресми БОРТ N1 арнасы хабарлады.

Екі мемлекет басшылары Бішкекте шағын және кеңейтілген құрамда кездесу өткізеді деп жоспарланып отыр. Келіссөздер барысында саяси диалогты одан әрі күшейтуге, сауда-экономикалық, инвестициялық және мәдени-гуманитарлық ынтымақтастықты нығайтуға мән бере отырып, Қазақстан мен Қырғызстан арасындағы стратегиялық серіктестікті дамыту мәселелері қарастырылмақ, – делінген хабарламада.

Келесі күні, яғни 27 мамырда Қасым-Жомарт Тоқаев Ақордада Жоғары еуразиялық экономикалық кеңестің отырысына бейнебайланыс режимінде қатысады.