Жандос Өмірәлиев Бас прокурордың орынбасары лауазымына тағайындалды

Бұл туралы Ақорда хабарлады.

Мемлекет басшысының өкімімен Жандос Жәнібекұлы Өмірәлиев Қазақстан Республикасы Бас Прокурорының орынбасары лауазымына тағайындалды, – делінген хабарламада.

Осылайша Мемлекет басшысының өкімімен Ерлік Әбдірақымұлы Кененбаев Қазақстан Республикасы Бас Прокурорының орынбасары лауазымынан босатылды

Жандос Өмірәлиев 1978 жылы туған. Ол 2000 жылдан бері прокуратура саласында жұмыс істеп келеді.

2010-2011 жылдары Бас прокурордың ерекше тапсырмалар жөніндегі аға көмекші қызметінде - Қазақстан Республикасының құқық қорғау органдарының Үйлестіру кеңесі хатшысы болған.

2011-2017 жылдары Алматы қаласының прокурорының орынбасары қызметін атқарған.

2017-2018 жылдары Бас прокуратураның кадрлық дамыту департаментін басқарған.

2018 жылдың тамызынан бері Батыс Қазақстан облысының прокурор міндетін атқарушы болған.

2014 жылдан бері президенттік құқық қорғау органдарының басшылар резервіне енген.

Оқи отырыңыз

Тоқаев Шыңжаң-Ұйғыр автономиялық ауданы ҚКП партия комитетінің хатшысымен кездесті

15:01, 27 наурыз 2023

Мемлекет басшысы аралас жекпе жек шебері Шавкат Рахмоновты қабылдады

11:19, 27 наурыз 2023

26-27 сәуірде Қазақстан халқы Ассамблеясының XXХІI сессиясы өтеді

09:04, 27 наурыз 2023