Ұлттық құрылтайдың бірінші отырысының өтетін күні белгілі болды

ҚР Мемлекеттік хатшысы Ерлан Қарин Ұлттық құрылтайдың бірінші отырысының өтетін күнін жариялады. Ол 16 маусымда Ұлытау өңірінде өтеді, деп хабарлайды Zakon.kz.

Бұл туралы Ерлан Қарин өзінің Telegram-дағы каналында хабарлады.

Ұлттық құрылтайдың алғашқы жиыны 16 маусымда жаңадан құрылған Ұлытау өңірінде өтеді. Бұл консультативтік-кеңесші органның құрамында Парламент депутаттары, Қазақстан халқы Ассамблеясының, азаматтық қоғам мен саяси партиялардың өкілдері, кәсіпкерлер мен белгілі сарапшылар, сонымен қатар өңірлік қоғамдық кеңестердің мүшелері болады.Ерлан Қарин

Оның айтуынша, жиынның маңызды міндеттерінің бірі – әлеуметтік консолидацияны одан әрі дамыту үшін идеялар мен қадамдарды әзірлеу.