Тоқаев Орталық Азия елдері экономикасын өсіретін көздерін атады

Қазақстан президенті Қасым-Жомарт Тоқаев Шолпан-Атада өтіп жатқан Орталық Азия мемлекеттері басшыларының IV Консультативтік кездесуінде өнеркәсіптік және сауда жеткізу тізбегінің күйреуі жағдайында аймақтандыру үрдісі қалыптасқанын айтты, деп хабарлайды Zakon.kz.

Мемлекет басшысының айтуынша, көпжақты ынтымақтастықтың берік экономикалық базасын қалыптастыру кезек күттірмейтін міндет болып қала береді.

Кейінгі жылдары бұл бағытта нақты нәтижелер бар. Кейінгі бес жылда Қазақстанның Орталық Азияның басқа елдерімен саудасы 42% өсіп, 6,3 миллиард долларға жетті. Өзара сауданы ұлғайту үшін орасан зор резервтердің бар екенін ескере отырып, бұл көрсеткішті жақын болашақта 15 миллиард долларға дейін жеткізу қажет.Қазақстан президенті Қасым-Жомарт Тоқаев

Оның айтуынша, негізінен санкциялық соғыстар мен өсіп келе жатқан протекционизмнен туындаған алдағы жаһандық рецессия қаупі аймақтық экономикалық ынтымақтастықты жедел дамыту мәселесін алға қойып отыр.

Өндіріс пен сауда жеткізу тізбегінің құлдырауымен аймақтандыру үрдісі барған сайын айқын бола бастады. Осының аясында біздің елдер арасындағы саудаға қатысты мен келтірген сандар әлі де толық әлеуетті көрсетпейді.Қасым-Жомарт Тоқаев

Қазақстан президенті атап өткендей, Орталық Азияның экономикалық ынтымақтастығы біздің ұлттық экономикаларымыз үшін негізгі өсу көздерінің біріне айналуы әбден мүмкін.