Қамбар-Ата МЭС-1 Орталық Азия елдерінің энергетикалық қауіпсіздігін нығайтады – Тоқаев

Орталық Азия мемлекеттері басшыларының IV Консультативтік кездесуінде президент Қасым-Жомарт Тоқаев біздің еліміз бірлескен гидроэнергетикалық жобаларды жүзеге асыруға ерекше мән беретінін атап өтті. Әңгіме трансшекаралық өзендердің су ресурсы туралы болып отыр, деп хабарлайды Zakon.kz.

Қырғызстандағы Қамбар-Ата МЭС-1 құрылысының жобасы қызу талқыланып жатыр.

Су электр станциясы Орталық Азия елдерінің энергетикалық қауіпсіздігін нығайтады, ауыл шаруашылығы өндірісін кеңейту үшін жағдайды жақсартады. Сонымен қатар біз халықаралық Аралды құтқару қоры аясындағы елдердің өзара іс-қимылын нығайтуға шақырамыз.Қазақстан президенті Қасым-Жомарт Тоқаев

Мемлекет басшысы қырғыз тарапының ұйымдық құрылымы мен құқықтық базасын жетілдіру жөніндегі өңірлік жұмыс тобына қатысуын оң бағалады.

Біз осы қор аясында қырғыз тарапымен толыққанды ынтымақтастықтың қайта жандануына сенім білдіреміз.Қасым-Жомарт Тоқаев