Тоқаев Орталық Азия елдерінің маңызды артықшылығын атады

Сурет: akorda.kz

Мемлекет басшысы Қасым-Жомарт Тоқаев Орталық Азия мемлекеттері басшыларының V Консультативтік кездесуіндегі баяндама жасап, Орталық Азия елдерінің маңызды артықшылығын атады, деп хабарлайды Zakon.kz.

Президент "елдеріміздің көлік-логистикалық әлеуетін толыққанды іске асыру шын мәнінде, аймақтың қарқынды дамуы үшін тірек бағыты бола алатынын" аатап өтті.

"Біз әлемде жаңа экономикалық географияның қалыптасып жатқанына куә болып отырмыз. Қытай, Еуропа, Ресей, Таяу Шығыс бағыттарындағы сауда-саттық ауқымы ұлғаяды деген болжам бар", - деді президент.

Мемлекет басшысы Орталық Азия Солтүстік пен Оңтүстікті, Батыс пен Шығысты байланыстыратын жаһандық жолдардың торабында орналасқанын еске сала келіп, "бұл – аймақтың келешегіне кең жол ашатын елеулі артықшылығымыз " екенін атап өтті.

"Қазіргі кезеңде Транскаспий халықаралық көлік бағдары ерекше рөл атқарады. Орта мерзімді перспективада аталған дәліз арқылы жүк тасымалдау көлемі бес есе ұлғаюы мүмкін. Біз цифрлық шешімдер енгізу және инфрақұрылымды жаңғырту арқылы оның өткізу қабілетін жоспарлы түрде арттыруға ниеттіміз".Қасым-Жомарт Тоқаев

Оқи отырыңыз