Тоқаев Сочидегі дарынды балаларға арналған білім беру орталығына барды

Қасым-Жомарт Тоқаев Владимир Путинмен өткізген кездесуінен кейін Ресей президентінің бастамасымен құрылған «Сириус» білім беру орталығына барды, деп хабарлайды Zakon.kz.

Мемлекет басшысы орталықтың жұмысымен, даму тұжырымдамасымен және ғылыми-технологиялық кластер құру жоспарымен танысты, –делінген президенттің баспасөз қызметі таратқан ақпаратта.

«Сириустың» қызметі спорт, өнер, ғылым және шығармашылық салаларында ерекше қабілеттерін танытқан дарынды балаларды ерте анықтауға, дамытуға және одан әрі кәсіби түрде қолдауға бағытталған.