Тоқаев "Астана" халықаралық қаржы орталығының басқарушысын қабылдады
![Тоқаев "Астана" халықаралық қаржы орталығының басқарушысын қабылдады, сурет - Zakon.kz жаңалық 07.09.2022 14:40](https://kaz.zakon.kz/pbi/WEBP/2023-12-20/file-99526935-17f7-483a-acce-593d6a8ceb35/800x451.webp)
Қайрат Келімбетов өзінің баяндамасында АХҚО-да әлемнің 65 елінен 1500-ден аса компания тіркелгенін айтты. Сонымен қатар:
тартылған инвестицияның жалпы көлемі 6,9 миллиард долларға жеткен;
Astana International Exchange (AIX) биржасы арқылы 321 миллион доллардан астам акционерлік капитал және 2,1 миллиард доллар қарыз капиталы тартылған;
АХҚО соты мен Халықаралық арбитраж орталығы жалпы 1200-ден астам даулы мәселені қарастырған;
Экономикалық ынтымақтастық және даму ұйымының есебінде АХҚО-ның салық режимі салық ашықтығының жаһандық стандарттарына сай келеді деп танылған.
Қасым-Жомарт Тоқаев елдің экономикалық дамуында «Астана» халықаралық қаржы орталығы маңызды рөл атқаратынын атап өтіп, шетелдік инвестиция тарту жұмыстарын күшейту қажет екенін айтты.