Тоқаев Си Цзиньпинді елорда әуежайынан шығарып салды

Қытай Халық Республикасы төрағасының Қазақстанға мемлекеттік сапары аяқталды. Қасым-Жомарт Тоқаев Си Цзиньпинді әуежайдан шығарып салды, деп хабарлайды Zakon.kz.

14 қыркүйекте Қазақстан президенті Қасым-Жомарт Тоқаев елімізге мемлекеттік сапармен келген Қытай Халық Республикасының төрағасы Си Цзиньпинді елорда әуежайында қарсы алды.

Одан кейін екі елдің көшбасшылары келіссөз жүргізді. Кездесу соңында Қасым-Жомарт Тоқаев екі ел арасындағы екіжақты саяси, экономикалық және мәдени байланыстарды нығайтуға және дамытуға қосқан ерекше үлесі үшін ҚХР төрағасы Си Цзиньпинді еліміздің ең жоғары мемлекеттік наградасы – "Алтын Қыран" орденімен марапаттады.